யார் யாரோ தமிழினத் தலைவனென்றும்.... யார் யாரோ தமிழினப் பாதுகாவலனென்றும்.... யார் யாரோ தமிழுக்காய் உயிர் கொடுப்பேனென்றும்.... தமிழ் தமிழ் தமிழ் என்று மூச்சுக்கு முந்நூறு முறை பெயரளவில் பகட்டாக பதைபதைத்தவர் மத்தியில் தமிழினம் அழிகையில் இமயம் வெடிக்க இதயக் குமுறலில் தமிழினத்தைக் காப்பாற்ற இளமையைத் துறந்து இன்னுயிர் நீக்க உண்மையில் வெடித்தெழுந்த எரிமலையே! எம் எழுச்சித் தமிழரே!! வெல்க தமிழர் இறையாண்மையை - உங்கள் தலைமையில்!!! அரசபிரபாகரன் மாநில துணை செயலாளர் பொறியாளர் அணி
இலங்கையில் போரை நிறத்தக்கோரியும் ஈழத்தமிழர்களை காக்க வலியுறுத்தியும் தீக்குளித்து தன் தாகத்தை வெளிப்படுத்தி தன்னுயிர் நீத்த தியாகி முத்துக்குமாருக்கு விடுதலைச் சிறுத்தைகள் கட்சி சார்பில் கரும்புலி முத்துக்குமாரின் சொந்த ஊரான திருச்செந்தூர் அருகிலுள்ள ஆத்தூர் கொழுவை நல்லூர்.என்ற கிராமத்தில் விடுதலைச் சிறுத்தைகள் கட்சி சார்பில் வெண்கல சிலை திறக்கப்பட்டது. பின்னர் திருச்செந்தூர் வா.உ.சிதம்பரனார் திடலில் வீரவணக்க பொதுக்கூட்டம் நடைப்பெற்றது. எழுச்சித்தமிழர் பேசியதாவது :
திரை அரங்கில் குறைவான எண்ணிக்கை உள்ளவர்களை கண்டு கடுங்கோபம் கொண்டிருந்தாலும், அன்று நான் அத்திரை அரங்கில் பார்த்தவர்கள் சமுக அறிவு நிறைந்தவர்களாக இருந்தது மன நிறைவு அளித்தது.
முதலில் தம்பி முத்துக்குமாருக்கு வீரவணக்கம் செலுத்துகிறேன் ,உண்மையான தமிழ் உணர்வாளர் யார் ? என்று தம்பி முத்துக்குமாருக்கு தெரிந்து இருக்கிறது அதனால் தான் சாகும் தருவாயில் கூட நான் இறந்த செய்தியை அண்ணன் பிரபாகரனுக்கும், அண்ணன் திருமாவளவனுக்கும் உடனே தெரியப்படுத்துங்கள் என்று சொல்லிவிட்டு இறந்து போனான்.
தமிழகத்து தம்பி முத்துகுமாருக்கு மேதகு.பிரபாகரனே ஈழத்தில்வீரவணக்கம் செலுத்தினர் அந்தளவிற்கு முத்துகுமார் ஈழத்தமிழர்களுக்காக செய்துதிருக்கிற தியாகம் மகத்தானது. ஆனால் இங்குள்ள போலி தமிழ் தேசியவாதிகளும் ,சாதிய தமிழ் தேசியவாதிகளும் ,திருமாவளவனின் மீது சாதி முத்திரையை குத்த முயற்சிக்கிறார்கள். திருமாவளவன் கட்சியை தொடங்கும் போதே விடுதலைச்சிறுத்தைகள் கட்சி என்று தான் பெயர் சுட்டினேன், சாதி ஒழிப்பை கொள்கையாக பிரகடனப்படுத்தினேன். தமிழகத்தில் மற்ற எல்லா தலைவர்களும் சாதி சங்கங்களை ஆரம்பித்து அதன்பின்னர் ஒட்டுக்காக தான் கட்சி பெயரை மாற்றி இருக்கிறார்கள் .எந்த ஒரு கட்சியும் சாதி ஒழிப்பை கொள்கையாக வைத்தது இல்லை திருமாவளவனை தவிர, அதை நான் மார்தட்டி சொல்லுவேன், திருமாவளவனின் மீது கல் எறிபவர்கள், அவதூறு பரப்புகிறவர்கள் ஒரு நாள் திருமாவளவன் உண்மையான தமிழ் தேசியவாதி என்று அவனே திருமாவளவனின் மீது மாலை அணிவிப்பான் அது வரை விடுதலைச்சிறுத்தைகள் பொறுமை காக்கவேண்டும் என்று பேசினார்.
நிகழ்ச்சியில் ,பொதுச்செயலாளர் கலைகோட்டுதயம் வன்னிஅரசு, கரும்புலி முத்துக்குமார் பாசறையின் முதன்மைச்செயலாளர் சங்கத்தமிழன், முகமது யூசப், ஆற்றலரசு, பாவரசு, கலியமுதன், கலைவேந்தன், உள்பட கட்சி நிர்வாகிகள் ஏராளுமானோர் கலந்துகொண்டனர்..
சீறும் சிறுத்தையை மையமாகக்கொண்டு, அதைச் சுற்றிலும் மேல்பாகத்தில் “சாதி ஒழிப்பே மக்கள் விடுதலை” என்றும், கீழ்ப்பாகத்தில் “விடுதலைச் சிறுத்தைகள்” என்றும் கருப்பு பின்னணியில் வெள்ளை எழுத்தில் எழுதப்பட்டிருக்கும்.
கொடி
கட்சியின் கொடி நீலமும் சிவப்பும் கலந்த இருவண்ணங்களைக் கொண்டதாகும். கொடியின் மேல் பகுதியில் வானத்தின் நீல வண்ணமும், கீழ்ப்பகுதியில் குருதியின் சிவப்பு வண்ணமும், சம அளவுகளில் இருக்கும். கொடியின் மையத்தில் ஐந்து முனைகளையுடைய வெள்ளை விண்மீன் பொறிக்கப்பட்டிருக்கும். கொடி மூன்று பங்கு நீளமும் இரண்டு பங்கு அகலமும் கொண்ட அளவுகளில் இருக்கும்.
கொடி விளக்கம்
நீல வண்ணம் - உழைக்கும் மக்களின் விடுதலையைக் குறிக்கும்
சிவப்பு வண்ணம் - புரட்சிகர நடவடிக்கைகளைக் குறிக்கும் விண்மீன் - விடியலை அடையாளப்படுத்தும் விடிவெள்ளியைக் குறிக்கும். விண்மீனின் ஐந்து முனைகள் - இயக்கத்தின் இலக்கை அடைவதற்கு கீழ்வரும் ஐவகை நோக்கங்களின் அடிப்டையில், கட்டமைக்கப்படும் போராட்டக் களங்களைக் குறிக்கும். 1. சாதி, மதம் ஒழித்து சமத்துவம் படைப்போம். 2. வர்க்க அமைப்பை உடைத்து வறுமையைத் துடைப்போம். 3. மகளிர் விடுதலை வென்று மாண்பினைக் காப்போம். 4. தேசிய இன உரிமைகள் மீட்டு, ஐக்கியக் குடியரசு அமைப்போம். 5. வல்லரசிய ஆதிக்கம் ஒழித்து வாழ்வுரிமைகள் மீட்போம்
